Վարդը .Վ. Գյոթե

թարգմանությունը՝ Հ. Թումանյանի 

Փոքրիկ տղան մի վարդ տեսավ,
Տեսավ մի վարդ դաշտի միջին.
Վարդը տեսավ, ուրախացավ,
Մոտիկ վազեց սիրուն վարդին. 

Սիրուն վարդին, կարմիր վարդին,
Կարմիր վարդը դաշտի միջին։

Տղան ասավ.— Քեզ կպոկեմ,
Ա՛յ կարմիր վարդ դաշտի միջին։
Վարդը ասավ.— Տե՜ս, կծակեմ, 

Որ չմոռնաս փշոտ վարդին.
Փշոտ վարդին, կարմիր վարդին,
Կարմիր վարդը դաշտի միջին։

Ու անհամբեր տղան պոկեց,
Պոկեց վարդը դաշտի միջին. 

Փուշը նրա ձեռքը ծակեց,
Բայց էլ չօգնեց քընքուշ վարդին.
Քնքուշ վարդին, կարմիր վարդին,
Կարմիր վարդը դաշտի միջին։ 

Հարցեր և առաջադրանքներ 

1․Շարունակի՛ր պատմել բանաստեղծությունը: 

Փոքրիկ տղան դաշտում մի վարդ տեսավ ու շատ ուրախացավ: 

1. Ինչպիսի՞ն է վարդը այս բանաստեղծության մեջ։

3․ Ինչպիսի՞ն էր տղան։ 

4․ Վերնագրի՛ր բանաստեղծության քառատողերը։ 

5․ Նշի՛ր  քեզ ամենից շատ դուր եկած քառատողը  և  նկարի՛ր։ 

1. 6. Հորինի՛ր պատմություն այս վերնագրերից մեկով:

Ա․ Ինչո՞ւ վարդը փշերը ունի 

Բ․ Ինչո՞ւ փշերը վարդ ունեն